Fréttir

Síðast heimsóttum við Helgu Hinriks til Moss í Noregi og þar var nú ekki leiðindunum fyrir að fara. En okkur er ekki til setunnar boðið, við vippum bakpokanum á bakið, tékkum á því hvort vegabréfið sé ekki örugglega á vísum stað og dembum okkur í flug til Dúbaí og það á stríðstímum. Auðvitað engin glóra í þessu ferðalagi ef ekki væri fyrir það að við þurfum að taka hús á frænku Helgu, Þórunni Ingu Kristmundsdóttur, frá Enniskoti í Víðidal en þar ólst hún upp með tvíburasystur sinni. Þær eru fæddar árið 1988 og foreldrarnir eru Kristmundur Ingþórsson og Sigrún Herdis Sigurbjartsdóttir.

Séra Gísli Gunnarsson í Glaumbæ í Skagafirði var vígður Hólabiskup þann 14. ágúst 2022. Það er því löngu kominn tími á að spjalla við Gísla um heima og geima. Hann er fæddur snemma árs 1957, sonur Gunnars Gíslasonar, prests og prófasts í Glaumbæ sem einnig var um árabil þingmaður Sjálfstæðisflokksins, og Ragnheiðar Margrétar Ólafsdóttur, safnvarðar við Byggðasafnið í Glaumbæ. Gísli er yngstur í hopi sex systkina. Gísli er giftur Þuríði Kr. Þorbergsdóttur og þau eiga fjögur uppkomin börn; synina Gunnar og Þorberg og dæturnar Margréti og Aldísi Rut.

Sunna Dögg Þorsteinsdóttir er frá Sauðárkróki og með rætur í gamla Lýtingsstaðahrepp og fleiri staði í Skagafirði. Sunna býr á Sauðárkróki, beint á móti æskuheimili sínu með tvö loðbörn, köttinn Nikulás og hundinn Lúnu

Það var talsverð eftirvænting fyrir leik Tindastóls og Njarðvíkur í úrslitakeppni kvenna í körfunni en liðin mættust í Síkinu um kvöldmatarleytið föstudaginn langa. Stólastúlkur áttu prýðilegan leik í Njarðvík en töpuðu naumlega. Það er hinsvegar kristaltært að ef þú setur aðeins niður eitt af 26 3ja stiga skotum þínum í leik þá má andstæðingurinn vera ansi slappur ef hann gengur ekki á lagið. Og því miður var lið Njarðvíkur ekkert í þeim gírnum að gefa einhvern slaka, það tók völdin strax í byrjun. Lokatölur 58-88 og Njarðvík leiðir einvígið 2-0.

Tveir leikir fóru fram í 32 liða úrslitum Mjólkurbikars karla í knattspyrnu á Sauðárkróksvelli í dag og í gær. Í báðum leikjum urðu norðanliðin að bíta í það súra epli að falla úr leik en það kom svosem ekki á óvart þar sem bæði Kormákur/Hvöt og Tindastóll mættu mótkerjum sem enduðu um 20 sætum ofar á síðasta tímabili.

Á Sauðárkróki er stunduð öflug og lifandi leikhúsmenning þrátt fyrir að aðstaðan til að rækta hana að fullu hefur ekki haldið í við metnaðinn. Það er löngu tímabært að horfast í augu við þá staðreynd að hér á Króknum vantar menningarhús sem getur raunverulega sinnt leiksýningum, tónleikum og ýmsu öðru viðburðahaldi, hvert svo sem það er. Nú styttist í að ráðist verði í byggingu nýs menningarhúss við Safnahúsið á Flæðunum og er það fagnaðarefni.

Jakob Víðir Kristjánsson sem er sjaldnast kallaður Jakob, alltaf Víðir, er fæddur á því herrans ári 1983 og sleit barnsskónum í Stóradal í Svínavatnshreppi hinum forna og þar er hann að slíta fullorðinsskónum líka. Víðir er faðir tveggja barna allavega, annað er óljóst eins og hann sjálfur kemst að orði. Víðir er sonur Kristjáns Jónssonar og Margrétar Rósu Jónsdóttur. Víðir starfar sem sauðfjárbóndi aðallega en fer líka stundum á hestbak annaðhvort af eigin frumkvæði eða gegn greiðslu.

Halla Sigríður Ragnarsdóttir er frá Sauðárkróki en býr núna í  Reykjavík með dóttur sinni sem er eins og hálfs árs og heitir Máney Anna. Í Reykjavík stundar hún nám við kynjafræði en hún er einnig hjúkrunarfræðingur að mennt.

Karlakórinn Heimir hélt velheppnaða tónleika í Háteigskirkju á laugardaginn var. Áætlaðir höfðu verið tónleikar á Akranesi á föstudagskvöldið en þeim varð að aflýsa vegna veðurs og ófærðar. Í Háteigskirkju mættu um 250 manns svo hún var nánast full. Ef marka má færslur á facebooksíðu kórsins voru tónleikagestir vel sáttir. Hér eru til gamans nokkur ummæli:

Úrslitakeppnin í Bónus deild karla í körfunni er farin af stað og í gærkvöldi lauk fyrstu umferðinni. Það er fátt sem jafnast á við dramatíkina og tilþrifin í körfunni og þessi árstími einmitt í uppáhaldi hjá mörgum vegna þess. Lið Tindastóls og ÍR hófu sitt einvígi í Síkinu í gærkvöldi og var boðið upp á frábæran leik; mikinn hraða, spennu og frábæra stemningu í Síkinu en hátt í 900 manns sóttu leikinn. ÍR-liðið gaf hvergi eftir en varð á endanum að sætta sig við tap því Stólarnir reyndust sterkari. Lokatölur 108-99 og Tindastólsmenn leiða því einvígið 1-0.